एमाले सांसद कोइरी प्रतिनिधि सभा सदस्यबाट निलम्बित

काठमाडौँ । प्रतिनिधि सभा सदस्यबाट एमाले सांसद लक्ष्मी महतो कोइरी निलम्बित भएका छन् । प्रतिनिधि सभा नियमावलीको नियम २ सय ४८ को उपनियम ३ बमोजिम सांसद कोइरीलाई प्रतिनिधि सभा सदस्यबाट निलम्बन सभामुख देवराज घिमिरेले गरेका हुन ।

सोमबार नेपाल प्रहरीले सांसद कोइरीमाथि हत्या अभियोगमा अदालतमा मुद्दा चलेको र हाल उनी फरार अवस्थामा रहेकोले खोजी कार्य भइरहेको जानकारी सभामुख घिमिरेलाई पत्राचार गरी जानकारी गराएको थियो । उक्त पत्रपछि सभामुख घिमिरेले सांसद कोइरीलाई निलम्बन गरेका हुन् । सभा सञ्चालन नभएको अवस्थामा सभामुख घिमिरेले सूचना टाँस गरेर सांसद कोइरीलाई निलम्बन गरेका हुन् ।