- ९ श्रावण २०८३, शनिबार / Jul 25, 2026
काठमाडौं । एसीसी महिला टी–२० इमर्जिङ टिम्स एसिया कप अन्तर्गत नेपाल र हङकङबीचको खेल वर्षाका कारण रद्द भएको छ । लगातारको वर्षा नरोकिए पछि टस समेत नगरी खेल रद्द भएको हो ।
खेल रद्द भएसँगै नेपाल र हङकङले एक–एक अंक बाँडेका छन् । योसँगै नेपालको सेमिफाइनल प्रवेशको सम्भावना समाप्त भएको छ ।खेल रद्द भएसँगै समूह ए बाट भारत र पाकिस्तान एक खेल अगावै सेमिफाइनलमा पुगेका छन् ।
तेस्रो स्थानमा रहेको नेपाल भने बाहिरिएको छ । पहिलो खेलमा पाकिस्तानसँग ९ रनले पराजित भएको थियो भने भारतसँग वर्षाकै कारण अंक बाँड्न बाध्य भएको थियो ।प्रतियोगिताको सेमिफाइनल १९ जुन र फाइनल २१ जुनमा हुनेछ ।
