ए डिभिजन क्लबले समेत अब प्रतिस्पर्धा गर्न नपाउने

काठमाडौं । एएफसीको क्लब लाइसेन्सका लागि नेपालका ए डिभिजन फुटबल क्लबहरु अयोग्य भएका छन् ।

नेपालका शीर्ष डिभिजनका १३ क्लबले लाइसेन्सका लागि आवेदन दिए पनि एएफसीले उक्त आवेदन अस्वीकार गरेको छ । नेपालका शीर्ष क्लबहरु कुनैले पनि अब २०२१ मा एएफसीले आयोजना गर्ने फुटबल प्रतियोगितामा प्रतिस्पर्धा गर्न पाउने छैनन् ।

कुनै क्लबले पनि मापदण्ड पूरा गर्न नसकेपछि एएफसीले आवेदन अस्वीकार गरेको अखिल नेपाल फुटबल संघले जनाएको छ ।