धन्सार भत्किँदा स्याङ्जामा बालिकाको मृत्यु

स्याङ्जा । स्याङ्जामा एक बालिकाको ज्यान गएको छ । अविरल वर्षाको कारण धन्सार भत्किँदा गल्याङ नगरपालिका वडा नम्बर १० डुबिनडाँडाका एक जनाको मृत्यु भएको हो । मृत्यु हुनेमा ढाकाराम भट्टराईकी छोरी १२ वर्षीया रेखा भट्टराईको ज्यान गएको जिल्ला प्रहरी कार्यालय स्याङ्जाले जनाएको छ ।

गोठ भत्किँदा एउटा लैनोभैँसी र २ वटा बाख्राका पाठा पुरिएका छन् भने रेखा सुतिरहेका बेला धन्सार भत्किएको र उनलाई पुरेको प्रहरीले जनाएको छ । धन्सार भत्किँदा घाइते भएकी भट्टराईको उपचारका लागि गल्याङ लैजाँदै गर्दा ज्यान गएको प्रहरीले जनाएको छ । घटनामा रेखाका दाई १६ वर्षीय लक्षमण भट्टराई घाइते भएका छन् ।