- १७ असार २०८३, बुधबार / Jul 1, 2026
ओखलढुंगा । चम्पादेवीस्थित ककनी मन्दिर दर्शनका लागि गएका चार जना यात्रुको दुर्घटनामा परि ज्यान गएको छ । सुनकोसी गाउँपालिका–९ कटुञ्जेमा दुर्घटना हुदा घटनास्थलमै चार जनाको मृत्यु भएको हो ।
क्षमताभन्दा बढि यात्रु बोकेको प्रदेश ३–०१–०२२ च ९६९४ नम्बरको गाडी दुर्घटना मन्दिरतर्फ जाने क्रममा सुनकोशीको कुसाङ सडकबाट खसेको प्रहरीले जनाएको छ । तीन जनाको घटनास्थल र एक जनाको उद्धारका क्रममा ज्यान गएको जिल्ला प्रहरी कार्यालयका डीएसपी गोविन्द काफ्लेले बताए ।
गम्भीर घाइते चार जनालाई हेलिकोप्टरबाट काठमाडौँ पठाइएको छ । दुर्घटनामा ज्यान गुमाउनेहरू सबै सिद्धिचरण नगरपालिका १० रुप्सेका छन् । १७ वर्षीया तुलसा मगर, ३५ वर्षीया मिठुमाया मगर, ३५ वर्षीया शान्ता मगर र उमेर नखुलेका खगेन्द्र मगर छन् ।
