- २२ कार्तिक २०८३, आईतवार / Nov 8, 2026
काठमाडौँ, २२ कार्तिक । काठमाडौँको दरबारमार्गस्थित लिक्विड लाउन्ज बारमा लागेको आगो करिब आठ घण्टापछि नियन्त्रणमा आएको छ । आइतबार बिहान ८ बजेर ५५ मिनेटमा बारमा आगलागी भएको थियो । दमकलको सहायताले आगो नियन्त्रणमा लिइएको जिल्ला प्रहरी परिसर काठमाडौँले जनाएको छ ।
आगो नियन्त्रणमा लिन लाउन्ज बारका केही संरचना भत्काउनुपरेको प्रहरीले जनाएको छ । आगलागीबाट कुनै मानवीय क्षति नभएको र भौतिक क्षतिको विवरण सङ्कलन तथा मूल्याङ्कन भइरहेको छ ।
आगलागीको कारण खुल्न सकेको छैन । प्रारम्भिक अनुमानमा विद्युत् सर्ट भएर आगो लागेको हुन सक्ने आशङ्का गरिएको छ । तर यसको आधिकारिक पुष्टि भइसकेको छैन ।
