- २५ भाद्र २०८३, बिहीबार / Sep 10, 2026
महेन्द्रनगर । कञ्चनपुरको दैजी–लिप्ना सडक निर्माणले तीव्रता पाएको छ । सुदूरपश्चिम प्रदेशको गौरवको योजना अन्तर्गत रहेको दैजी–लिप्ना सडक निर्माणले तीव्रता पाएको हो ।
वेदकोट नगरपालिका र डँडेलधुरालाई जोड्ने यो सडकको काम तीव्र गतिमा भइरहेको पूर्वाधार विकास कार्यालय कञ्चनपुरले जनाएको छ ।
सडकको आवश्यक संरचना निर्माण अन्तिम रचणमा पुगेको र ११ किलोमिटर कालोपत्रको तयारी भइरहेको कार्यालयले जनाएको छ । २०७४ वैशाखमा निर्माण सम्झौता भएको उक्त सडकको हालसम्म करीब ७० प्रतिशत काम सम्पन्न भइसकेको जनाइएके छ ।
प्रदेश गौरवको आयोजनाका रूपमा हस्तान्तरण भएर आएपछि पछिल्लो समय दैजी लिप्ना सडक निर्माणमा उल्लेख्य प्रगति भएको कार्यालयले जनाएको छ ।
दैजी–लिप्ना सडक निर्माण लागि १८ करोेड ४९ लाख २८ हजार रुपैयाँमा ठेक्का सम्झौता भएको छ । सम्झौता अनुसार उक्त सडक निर्माण २०७६ असारसम्ममा सम्पन्न गरिसक्नुपर्नेमा पूरा हुन सकेन ।
समयमै निर्माण सम्पन्न नभएपछि योजना निर्माणको समयसीमा १ वर्ष थप गरिएको छ । २०७७ पुस सम्मममा निर्माण सम्पन्न गरिसक्न ठेकेदारलाई निर्देशन दिइएको कार्यालयले जनाएको छ ।
