- १९ असार २०८३, शुक्रबार / Jul 3, 2026
काठमाडौं । सफा हिमाल अभियान–२०२३ अन्तर्गत चारओटा हिमालबाट ३४ हजार १३३ किलो फोहोर नेपाली सेना नेतृत्वको टोलीले संकलन गरेको छ । सगरमाथा, ल्होत्से, अन्नपूर्ण र वरुणत्से हिमालबाट टोलीले फोहोर संकलन गरेको हो ।
विश्वकै सबैभन्दा ठूलो हिमाल सरसफाइ कार्यक्रममध्येको अभियानमा कोका–कोला फाउन्डेसनले प्रमुख दाताको रूपमा सहकार्य गरेको अभियान २८ मार्चदेखि शुरू भएको यो अभियान ५ जुनमा सकिनेछ ।
नेपाली सेनाले यो अभियानअन्तर्गत अहिलेसम्म आधा बाटोसम्मको फोहोर संकलन भएको जनाएको छ । टोलीले खाली अक्सिजन क्यानिस्टर, टेन्ट, खाना राखिने कन्टेनर, प्लाष्टिक, गिलास, आल्मुनियम, इलेक्ट्रोनिक ग्याजेट लगायत फोहोर संकलन गरेको हो ।
सफा हिमाल अभियानका निर्देशक ब्रिगेडियर जनरल सुन्दरकुमार पाण्डेले सफा हिमाल अभियान विभिन्न हिमालको स्वच्छता जोगाउन एउटा सबल कदम भएको बताएका छन् । नेपाली सेना र शेर्पा समर्थक गरी ९७ जनाको सदस्य रहेको अभियान टोलीले अत्यन्त कठिन मौसमी अवस्था झेल्नुपरेको बताएको छ ।
