कर्मचारी सरुवामा रोक

काठमाडौं । कर्मचारीको सरुवा रोक्न र सरुवा भएकाको हकमा तत्काल रमाना दिन निर्वाचन आयोगले सरकारलाई निर्देशन दिएको छ ।

मङ्सिर ४ गते निर्वाचन हुन लागेको अवस्थामा विभिन्न तहका सरकार तथा सार्वजनिक निकायले कर्मचारी सरुवा गरिदिँदा अस्थायी मतदाता नामावली संकलनको कार्यमा वाधा उत्पन्न हुने हुदा आयोगले यस्तो निर्देशन दिएको हो ।

बिहीबारदेखि आयोगको अनुमति नलिई कुनै पनि कर्मचारीको सरुवा नगर्न निर्देशन दिइएको हो ।

बु्धबारसम्म सरुवा भै सकेको अवस्था भए तत्काल रमाना दिई ९ गतेभित्र सम्बन्धित कार्यालयमा हाजिर भइसक्ने व्यवस्था गर्न निर्देशन दिइएको आयोगले जनाएको छ ।