काठमाडौं महानगरको १५ दिने अल्टिमेटम,नटेरे कडा कारबाही गरिने चेतावनी

काठमाडौं । काठमाडौं महानगरपालिकाले १५ दिने अल्टिमेटम सार्वजनिक गरेको छ । मंगलबार काठमाडौं महानगरपालिकाले ठूलाखाले साइनवोर्ड हटाउन पुनः १५ दिने सूचना निकालेको हो । ३० वर्गफिट भन्दा ठूला साइनबोर्ड हटाउन अटेर गरे महानगरपालिका आफैंले त्यस्ता साइनबोर्ड हटाउने र त्यसबापत लाग्ने खर्च पनि सम्बन्धित पक्षबाट भराउने चेतावनी समेत पनि दिइएको छ ।

यसअघि ३५ दिने सूचना जारी गरेको महानगरले अर्को सूचना निकाल्दै १५ दिन साइनबोर्ड हटाउन उर्दी जारी गरेको हो । काठमाडौं महानगरपालिकाले साइनबोर्ड राखे बापतको शुल्क तिर्न आग्रह गर्दै पसल, व्यापारिक प्रतिष्ठान, संघ–संस्था, बैंक तथा वित्तिय संस्था, सरकारी तथा गैरसरकारी कार्यालयहरुलगायतलाई महानगरपालिकाले ३० वर्गफिट भन्दा ठूला साइनबोर्ड हटाउन आह्वान समेत गरेको छ ।