- १५ श्रावण २०८३, शुक्रबार / Jul 31, 2026
काठमाडौं । नेपाल बार एसोसिएसनलगायतले आज बिहीबार सर्वोच्च अदालतबाट बालुवाटारसम्म ‘मार्च पास’ गर्दै छन् । प्रधानन्यायाधीशको राजीनामा माग गर्दै आएका कानुन व्यवसायीले करिब १ महिनादेखि आन्दोलन गरिरहेका छन् । बारको आयोजनामा नै ‘मार्च पास’ गरिदै छ ।
बार एसोसिएसन, सर्वोच्च बार एसोसिएसन, पत्रकार महासंघ, शिक्षक महासंघ, इन्जिनियर्स एसोसिएसन, जनस्वास्थ्य संघ, चिकित्सक संघ आदिवासी–जनजाति महासंघ र बृहत् नागरिक आन्दोलनले ब्यानरसहितको मार्च पास गर्न लागेको बताइएको छ ।
उक्त मार्च पासलाई ‘बालुवाटार न्याय मार्च’ नाम दिइएको छ । एक घण्टा धर्ना दिने कार्यक्रमपछि प्रधानमन्त्री शेरबहादुर देउवालाई भेट्ने योजना रहेको बार एसोसिएसनका अध्यक्ष चण्डेश्वर श्रेष्ठले बताए ।
दिउँसो २ बजेदेखि करिब १ घण्टा धर्ना दिने र उक्त समयमा केही वक्ताहरूले आफ्नो भनाइ राख्ने कार्यक्रमसमे रहेको उनको भनाइ छ ।
