- २८ जेष्ठ २०८३, बिहीबार / Jun 11, 2026
सिन्धुपाल्चोक । कुखुरा फर्ममा आगलागी हुँदा एक बालकको मृत्यु भएको छ । बिहान ९ बजे बलेफी गाउँपालिका– ४ लप्सेमा रहेको लप्से युवा पशुपंक्षी फर्ममा आगलागी भएको हो ।
उक्त आगलागीमा एक बालकको मृत्यु भएको जिल्ला प्रहरी कार्यालयका डिएसपी शिवकुमार बुढाथोकीले बताए । वडा ४ का वडाध्यक्ष सुर्के तामाङले फर्म सञ्चालन गर्दै आएका थिए ।
फर्ममा काम गर्ने २५ वर्षीय निर्जला कार्कीका ३ वर्षीय छोरा निर्जलको मृत्यु भएको हो । घटनास्थलमै उनको मृत्यु भएको डिएसपी बुढाथोकीले बताए ।
सवा १० बजे प्रहरी र स्थानीयबासीको सहयोगमा आगो नियन्त्रणमा लिन सफल भएको थियो । आगलागीबाट अन्दाजी ६ लाख १४ हजार बराबरको क्षति भएको छ ।
कसरी आगलागी भयो भन्नेबारे प्रहरीले अनुसन्धान गरिरहेको जनाएको छ ।
