- २९ जेष्ठ २०८३, शुक्रबार / Jun 12, 2026
काठमाण्डौ । त्रिभुवन अन्तर्राष्ट्रिय विमानस्थलबाट वैदेशिक रोजगारीमा कुवेत जान लागेका एक सय २६ जना श्रमिकलाई फर्काइएको छ । अध्यागमन कार्यालय त्रिभुवन विमानस्थलले कागजात शंकास्पद देखिएपछि उनीहरुलाई फर्काइएको हो । बुधबार बेलुकी ९८ जना र बिहीबार बिहान २८ जना गरी जम्मा एक सय २६ जनालाई कुवेत जानबाट रोकिएको र ती मध्ये अधिकांश महिला रहेका छन् ।
श्रम स्वीकृति लिएर गएका भए पनि अन्य कागजात शंकास्पद देखिएपछि उनीहरुलाई फर्काइएको विभागले जनाएको छ । एउटा देशमा जाने भनेर कागजात पेश गरिएको तर भिसा अर्कै देशको रहेको पाइएकाले फर्काएको हो ।
अध्यागमन विभाग र वैदेशिक रोजगार विभागले थप अनुसन्धान गरी यसरी श्रमिक पठाउने म्यानपावर कम्पनीमाथि थप कारबाही अगाडि बढाइने विभागले जनाएको छ ।
अध्यागमनले उनीहरुलाई घरेलु कामदारको रुपमा जान लागेको आशंका र घरेलु श्रमिकका रुपमा कुवेतमा जान नमिल्ने भएको छ ।
विभिन्न म्यानपावर कम्पनीहरुले झुटा विवरण पेस गरेर घरेलु कामदारमा पठाउन खोजेको भन्ने सूचनाका आधारमा अध्यागमनमा कडाइ गरिएको छ ।
