झापामा कैदीबन्दीले पनि मतदान गर्न पाउने

झापा । झापा कारागारमा रहेका १ सय ४८ कैदीबन्दीले मध्ये मतदान गर्न पाउने भएका छन् । मतदाता नामावलीमा नाम भएका कैदीबन्दीले मात्र प्रतिनिधि सभा सदस्यको समानुपातिकतर्फ मतदान गर्न पाउने व्यवस्था गरिएको छ ।

कारागारका १ हजार ४ सय २७ जना कैदीबन्दी रहेका मध्ये १ सय ४८ जनाले मात्रै मतदान गर्न पाउने भएका हुन । कारागारमा हाल १ हजार २ सय ४५ पुरुष, ७१ जना महिला र दुई जना बालबालिका रहेको जिल्ला कारागार झापाले जनाएको छ । जसमध्ये एक हजार तीन सय ३५ नेपाली र एक सय १० जना विदेशी रहेका छन् ।