कोरोना भाइरसका कारण मृत्यु भएमा स्वास्थ्यकर्मीका परिवारलाई पाँचलाख राहत दिने आठबीस नगरको घाेषणा

१२ बैशाख २०७७ काठमाडाैं । लकडाउन अवधिमा क्वारेन्टीनको अनुगमन, राहत र आउनसक्ने चुनौतीको सामना गर्ने योजना बनाएर जनचेतनाका कार्य अगाडि बढाईरहेको आठबीस नगरापालिका दैलेखका मेयर खड्गराज उपाध्यायले बताएका छन् । स्वयम सेवक परिचालन गरेर वास्तविक समस्यामा परेका नगरवासीलाई राहत दिने व्यवस्था मिलाएको भन्दै मेयर उपाध्यायले अति विपन्नलाई राहतमा पहिलो प्राथमिक्ता दिएको बताए ।

कैलाश खबरको विशेष टकमा कुरागर्दै मेयर उपाध्यायले कुनै पनि स्वास्थ्यकर्मीको कारोनाका कारणले मृत्यु भएमा तीनका परिवारलाई पाँच लाख रकम राहत उपलब्ध गराउने बताए । अहिले १ हजार २०६ जनालाई राहत वितरण गर्न लागिएको भन्दै भारतमा रोजगारीका लागि गएका र फर्किएकाहरुको लागि क्वारेन्टीनमा राखेर स्वाव परिक्षणको रिपोर्टपछि मात्र घर पठाउने व्यवस्था मिलाएको बताए ।

खेतियोग्य जग्गा बाँझो राख्ने मानिसलाई नगरपालिकाबाट पाउने सेवा सुविधा नदिने भन्दै उनले नगरवासीलाई बाँझो जग्गामा खेती गर्न अनुरोध गरेको बताए । कृषिक्षेत्रमा विशेष अनुदान मिलाएर भएपनि आत्मनिर्भर बन्न किसानलाई हौस्याएको बताए । सम्भावित चुनौती र अवस्था जटिल बन्न नदिन प्रदेश सरकार, विशेष गरी कर्णाली प्रदेशका सभामुख राजबहादुर शाहीसंग कुराकानी गरेर नगरपालिका अघि बढिरहेको बताए ।

बाँकी भिडियोबाट…

https://www.facebook.com/Kailashkhabarnews/videos/289538745370347/