- २१ भाद्र २०८३, आईतवार / Sep 6, 2026
काठमाण्डौ ।मानव स्वास्थ्यमा हानि पु¥याउने खाद्य वस्तु बिक्री गरेको भन्दै एक सय व्यक्तिमाथि मुद्दा दर्ता भएको छ । खानेपानी, दुग्धजन्य पदार्थको उत्पादन तथा मासु, दलहनलगायतका सामग्री बिक्री वितरण गरेको अभियोगमा विभिन्न जिल्लामा एक सय व्यक्तिमाथि मुद्दा दर्ता गरिएको हो । मुद्दा दर्ता कम्पनीका लगानी कर्ता तथा बिक्रेताका नाममा विभिन्न जिल्ला प्रशासन कार्यालय तथा जिल्ला अदालतमा गरिएको जनाइएको छ । खाद्य ऐन (तेस्रो संशोधन) –२०४९ अनुसार उनीहरु विरुद्ध मुद्दा दर्ता गरिएको खाद्य प्रविधि तथा गुण नियन्त्रण विभागले जनाएको छ ।
अभियोग प्रमाणित भएमा पाँच वर्षसम्म कैद वा ५० हजार रुपैयाँसम्मा जरिबाना वा दुवै सजाय हुनसक्ने विभागले जनाएको छ । गुणस्तरहीन दूषित प्रशोधित पिउने पानी बजारमा पठाउने १६ उद्योगमाथि मुद्दा दायर भएको छ । यसैगरी, गुणस्तरहीन बेकरी तथा बिस्कुट बेच्ने १३ वटा, तेल तथा घिउका ११ वटा, दानाका नौवटा, तयारी चाउचाउ सातवटा, मसलाका सात, दालमोठ भुजियासम्बन्धी पाँच मुद्दा दायर भएका छन् ।
यसैगरी, गुणस्तरहीन दलहनलगायत मिठाई, दूध दही, काजु किसमिस, चामल, मसला, खुर्सानीको धूलो बेच्नेमाथि पनि मुद्दा चलाइएको छ । अनुगमनमा क्रममा उद्योगीले बजारमा गुणस्तरहीन खाद्यसामग्री बिक्रीवितरण गरी उपभोक्ताको स्वाथ्यमा खेलबाड गर्ने गरेको पाइएको छ । सबैभन्दा धेरै प्रशोधित पिउने पानी गुणस्तरहीन पाइएको छ ।
