गंगा नदीको किनारामा ४० बढी शव भेटिए

बिहार । बक्सर जिल्लाको चौसा प्रखण्डको चौसा मसानघाटमा गंगामा कम्तीमा ४० बढी शव तैरिरहेको भेटिएको छ । स्थानीय प्रशासनले ४० बताएपनि पत्रकारले मसानघाटमा योभन्दा बढी शव देखेको बताएका छन् ।

मन विचलित गरिदिने किसिमको उक्त दृश्यमा शवलाई जनावरहरुले लुछिरहेको देखिएको छ । शव उत्तर प्रदेशबाट बगेर आएको हुनसक्ने स्थानीयले बताए । यसैबीच बक्सर जिल्लाधिकारी अमन समिरले पत्रकार सम्मेलनमा गाजीपुर र बलियासँग समन्वय स्थापित गरेर शवको दाहसंस्कार गरिने बताए ।

बक्सर जिल्ला उत्तरप्रदेश र बिहार राज्यको सीमावर्ती जिल्ला हो । गंगा नदीको किनारामा बसेको यो जिल्लाको उत्तरमा यूपीको बलिया जिल्ला र पश्चिममा गाजीपुर जिल्ला छ । स्थानीय पत्रकार सत्यप्रकाशका अनुसार त्यहाँ लगभग सय शव छन्। बीबीसी