- ११ असार २०८३, बिहीबार / Jun 25, 2026
भक्तपुर । सर्वसाधारणलाई सहज, सरल, गुणस्तरीय स्वास्थ्य सेवा प्रदान गर्ने उद्देश्यले भक्तपुरको मध्यपुर ठिमी नगरपालिका वडा नं. ३ स्थित गट्ठाघरमा आयु सुपर स्पेसियालिटी क्लिनिक सञ्चालनमा आएको छ ।
भक्तपुर र आसपासका क्षेत्र विरामीलाई सहज सेवा प्रदान गर्ने उदेश्यले श्रीपञ्चमीको अवसर पारेर यो क्लिनिकको शुभारम्भ गरिएको अध्यक्ष प्रा.डा.सुरज बज्राचार्यले बताए ।
भव्य कार्यक्रमकाबीच मानव कल्याण सेवा समाजका अपांगता भएका ज्येष्ठ नागरिक एवं बालबालिकाबाट दीप प्रज्वलन गरी बिहीबार क्लिनिकको शुभारम्भ गरिएको हो ।
एउटै छानामुनि २० वटा विभागमा सबै प्रकारका विशेषज्ञ डाक्टरद्धारा ल्याबसहितको गुणस्तरीय सेवा दिने लक्ष्य राखेको सस्थाले जनाएको छ । विशेषगरी ग्यास्ट्रो, ल्याप्रोस्कोपिक, अर्थोपेडिक, आर्थोस्कोपिक, स्पाइन र ट्रमा सर्जरी सेवा उपलब्ध रहेका छन् ।
भिडियो हेर्न यहाँ क्लिक गर्नुहोस्…
यस्तै बाल चिकित्सा, प्रसूति तथा स्त्रीरोगअन्तर्गत पाठेघरसम्बन्धी समस्या, निःसन्तान बाँझोपन, महिनावारीसम्बन्धी सेवा पनि उपलब्ध छन् ।
आयु क्लिनिकले आन्तरिक चिकित्सा, आन्तरिक चिकित्साका विशेष सेवा ग्यास्ट्रोरोलजी, पल्मोनोलोजी, कार्डियोलोजी, बाथविज्ञान, न्यूरोलोजी र सामान्य शल्यक्रियाको सुविधा पनि प्रदान गर्ने जनाएको छ ।
क्लिनिकले ७० वर्ष माथिका जेष्ठ नागरिक, अपाङ्गता भएका व्यक्तिहरुलाई २५ प्रतिशत आजीवन छुट प्रदान गर्नेसमेत घोषणा गरेको छ । आयु क्लिनिकले विभिन्न ठाउँमा निःशुल्क स्वास्थ्य शिविरको समेत आयोजना गरेर सेवा प्रदान गरेको जनाएको छ ।
