- १४ जेष्ठ २०८३, बिहीबार / May 28, 2026
गोरखा । नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले गोरखाबाट जितेर संसारलाई देखाउने बताएका छन् ।
गोरखा–काठमाडौं सम्पर्क समन्वय समितिले आयोजना गरेको ‘निर्वाचन विशेष राजनीतिक वैचारिक प्रशिक्षण कार्यक्रम’मा बोल्दै उनले यस्तो बताएका हुन् ।गोरखामा रेकर्डसहित विजय गराउन जनता आतुर भएको बताए ।
उनले रेकर्डसहित जितेको नेता भनेपछि केन्द्रमा भूमिका खेल्ने शक्ति आर्जन हुने उल्लेख गरे। चुनाव जितिहालिन्छ भन्नेर ढुक्कसँग बसेको भन्दै कार्यकर्तालाई थप जोड दिन निर्देशन दिए । एक–एक मतको संरक्षण गर्न र मतलाई मतपेटिकासम्म पुर्याउन ध्यान दिन जरुरी रहेको बताए ।
मनोनयन दर्ता गर्न जाँदा बाजा बजाएको सम्बन्धमा निर्वाचन आयोगले स्पष्टीकरण सोधेको उल्लेख गरे। अध्यक्ष दाहालले एकताको सन्देश दिन आफू गोरखामा चुनाव लडेको जिकिर गरे ।
