- २१ कार्तिक २०८३, शनिबार / Nov 7, 2026
कास्की । मादी गाउँपालिका–१ सिक्लेसका सुरजकुमार गुरुङको आफ्नै घरमा आगलागी हुँदा जलेर मृत्यु भएको छ ।
आगलागीमा पूर्व वडाध्यक्ष गुरुङको मृत्यु भएको वडाध्यक्ष देवीजङ्ग गुरुङले बताए ।
आइतबार राति १०ः ३० बजे आगो नियन्त्रणमा लिइएपछि गुरुङको शव घरभित्र जलेको अवस्थामा फेला परेको थियो ।
सुरजकुमार २०७४ को स्थानीय तह निर्वाचनमा वडाध्यक्षमा निर्वाचित भएका थिए । मृतक गुरुङकै घरदेखि आगलागी सुरु भएको हो ।
कपडा पसल सञ्चालन गर्दै आएका उनी घरमा एक्लै बस्ने गेका थिए । छोरा बुहारी गाउँकै अर्को घरमा बसोबास गर्दै आएको बताइन्छ ।
आगलागीबाटसँगैको तौबहादुर गुरुङको घरसमेत जलेको वडाध्यक्ष देवीजङ्गले बताए । तौबहादुरको घरमा स्थानीय धनबहादुर गुरुङले किराना पसल सञ्चालन गर्दै आएका थिए ।
के कारणले आगलागी भएको भन्ने खुलेको छैन ।
