घर बाहिर ननिस्किन अनुरोध

काठमाडौं । उपत्यकामा वायु प्रदूषण बढेकोले घरबाहिर ननिस्किन वातावरण विभागले अनुरोध गरेको छ । यदि निस्किनै परे विशेष सावधानी अपनाएर मात्र निस्किन अनुरोध गरेको हो ।

बालबालिका, ज्येष्ठ नागरिक, श्वासप्रश्वास र मुटु सम्बन्धी रोगका बिरामीलाई सकेसम्म ननिस्किन हार्दिक अनुरोध गरेको छ । मंगलबार दिउँसो प्रेस विज्ञप्ति जारी गर्दै बिहान र बेलुकीको समयमा प्रदुषण अत्याधिक बढेकोले स्वास्थ्यमा नकरात्मक असर बढी पर्न गएकाले यस्तो अनुरोध गरिएको विभागका महानिर्देशक मुकुन्दप्रसाद निरौलाले बताए ।

नेपालगञ्ज, विराटनगर लगायतका क्षेत्रमा पनि वायु प्रदूषणको मात्रा उच्च भएको भन्दै विशेष सतर्कता अपनाउन भनिएको छ ।