- २९ भाद्र २०८३, सोमबार / Sep 14, 2026
भक्तपुर । सूर्यविनायक नगरपालिकाको घ्याम्पेडाडा जाने बाटोमा दुर्घटना भएको छ । सूर्यविनायक नगरपालिका ८ गणेश मन्दिर नजिकै घ्याम्पेडाडा जाने बाटोमा सूर्यविनायकतर्फ आउदै गरेको मोटरसाइकल र विपरित दिशातर्फ जाँंदै गरेको स्कुटर एक आपसमा ठोक्किएर चार जना घाइते भएका हुन् ।
बिहीबार साँंझ भएको दुर्घटनामा एक जनाको अवस्था गम्भीर रहेको प्रहरीले जनाएको छ । बाग्मती प्रदेश –०२–०३० प ८१७५ नं को मोटरसाइकल र विपरति दिशातर्फ जादै गरेको बाग्मती प्रदेश –०२–०२८ प ५३७७ नं को स्कुटर एक आपसमा ठोकिएर दुर्घटना भएको थियो ।
दुर्घटनाबाट मोटरसाइकल चालक भक्तपुर नगरपालिका १० कमलविनायक बस्ने वर्ष ३४ का रुपेश रन्जितकार घाइते भएका छन् । उनको दाहिने खुट्टामा, आँखा र घाटीमा चोट लागेको छ । उपचारका लागि उनलाई साँंझ सात बजे भक्तपुर अस्पताल लगिएको छ भने ट्रमा सेन्टर रिफर गरिएको छ ।
मोटरसाइकल पछाडि सवार दाङ भालुवाङ २ घर भई हाल दुवाकोट बस्ने वर्ष २३ की आयुष्मा शाही घाइते भएकी छिन् । उनको दाहिने खुट्टामा चोट लागेको छ भने भक्तपुर अस्पतालमा उपचार भइरहेको छ । त्यस्तै स्कुटर चालक काभ्रे रोशी गाउँपालिका ९ मंगलटार घर भई हाल घ्याम्पेडाडा बस्ने वर्ष २८ की रिता तामाङ घाइते छिन् ।
उनको दाहिने आँखा र खुट्टामा चोट लागेको छ । उनको मध्यपुर अस्पतालमा उपचार भइरहेको छ । स्कुटी पछाडी सवारी निजको छोरी वर्ष ९ की निसु लामा घाइते छिन् । उनको दाहिने गाला, बाया हात र बाया खुट्टामा चोट लागेको छ ।
मध्यपुर अस्पतालमै उनको उपचार भइरहेको छ । अहिले दुवै सवारी साधनलाई प्रहरी वृत जगातीले नियन्त्रणमा लिएको छ । घटनास्थलमा प्र.स.नि.राजन वनमालाको नेतृत्वमा ४ जना टोली खटिएको थियो ।
