चार गोठ जल्दा २० लाख बराबरको क्षति

स्याङ्जा । आगालागीबाट आँधीखोला गाउँपालिका–१ अर्घाउदीमा दुई घर र चार वटा गोठ पूर्णरुपमा जलेर नष्ट भएका छन् । गाउँका अन्य चार गोठ जल्दा २० लाख बराबरको क्षति भएको जिल्ला प्रहरी कार्यालयले जनाएको छ । मङ्गलबार साझ जङ्गलबाट सुरु भएको आगालागी गाउँमा पुगेपछि घर र गोठ जलेको हो ।

स्थानिय खगेन्द्र तिवारी र धनपती तिवारीको ढुङ्गा र माटोले बनेका दुई तले घर जलेर पूर्णरुपमा नष्ट भएका छन् । जङ्गलको बीचमा रहेका घरहरु अर्गाउदीमा दमकल सहितको सेना, शसस्त्रसहितको टोलीले गाउँ नै सखाप हुनबाट जोगाएको जनाइएको छ ।

आगालागीबाट मानवीय क्षति भने नभएको तर घरमा रहेको अन्न, लत्ताकपडा र भाडाँहरु जलेर नष्ट भएको जनाइएको छ । आगालागी पश्चात पुतलीबजार नगरपालिको दमलक, नेपाली सेना, शसस्त्र प्रहरी, नेपाल प्रहरी, स्थानिय नागरिकको प्रयासमा चार घण्टामा नियन्त्रणमा आएको थियो ।