चार तला माथिबाट खसेर भक्तपुरमा किशोरको मृत्यु

भक्तपुर । घरको चार तलामाथिबाट खसेर एक जनाको मृत्यु भएको छ । बिहीबार साँझ मध्यपुरठिमी नगरपालिका–६ मिलरोडस्थित एक घरको चौथो तलाबाट खसेर एक जनाको मृत्यु भएको हो ।

भुवन श्रेष्ठको घरमा उनका १७ वर्षीय छोरा भूमिनलाल खसेर गम्भीर घाइते भएका थिए ।

भूमिनलालको उपचारको लागि नागरिक अस्पताल ठिमी लगिएको थियो ।

त्यहाँ उपचारको क्रममा राति नै मृत्यु भएको जिल्ला प्रहरी परिसर भक्तपुरका डिएसपी राजु पाण्डेले बताए ।

थप अनुसन्धान प्रहरी वृत्त ठिमीले गरिरहेको छ।