चितुवाको आक्रमणबाट मृत्यु भएका परिवारलाई ५० हजार राहत

तनहुँ । बन्दीपुर गाउँपालिकाले चितुवाको आक्रमणबाट मृत्यु भएका सुप्रिम बगाले मगरको परिवारलाई रु ५० हजार प्रदान गरेको छ ।

गाउँपालिकाका अध्यक्ष सुरेन्द्र थापाले मृतकका बुबा प्रेम बगाले मगरलाई सो रकम हस्तान्तरण गरे । चितुवाको आक्रमणबाट मङ्गलबार तनहुँको बन्दीपुर गाउँपालिका–१ बोडिस्वाँरामा सुप्रिमको ज्यान गएको थियो ।

उनी घर नजिकैको जङ्गलमा मृत फेला परेका थिए। गत आइतबार पनि सोही वडामा एक बालिका र एक पुरुष चितुवाको आक्रमणबाट घाइते भएका थिए । तनहुँमा हालसम्म १२ बालबालिकाको चितुवाको आक्रमणबाट ज्यान गइसकेको छ ।