जन्ती बोकेको जीप दुर्घटना हुँदा आठ जनाको मृत्यु

प्यूठान । गौमुखी गाउँपालिकामा बेहुली लिएर फर्किएको जिप दुर्घटना हुँदा आठ जनाको मृत्यु भएको छ । नौबाहिनी गाउँपालिका लुङबाट गौमुखी गाउँपालिका लिवाङ जाँदै गरेको ग १ ज ५०९२ नम्बर जीप आज बिहान दुर्घटना भएको हो ।

दुर्घटनामा ६ जनाको घटनास्थलमै र दुई जनाको उपचारका क्रममा मृत्यु भएको प्रहरी कार्यालय प्युठानले जनाएको छ । दुर्घटनामा पाँच जना घाइते भएका छन् ।

जीपमा १३ जना सवार रहेको थिए । बेहुलाको घर नजिकै पुग्दा जिप दुर्घटना भएको र सडकबाट तीन सय मिटर तल खसेको प्रहरीको भनाइ छ । पहिरो खसेका कारण दुर्घटना भएको र घटनाको थप विवरण आउन बाँकी छ ।

मृतकमध्ये पाँच जनाको सनाखत भएको छ । तीमध्ये ४० वर्षीया बसन्ती खड्का, ३० वर्षीया केशरी खड्का, अन्दाजी ५० वर्षीय बलबहादुर बुढामगर, ३२ वर्षिय खिमबहादुर खत्री, ५० वर्षीय नन्दि खड्काको ज्यान गएको हो । अन्यको पहिचान खुल्न बाँकी छ ।