- १४ आश्विन २०८३, बुधबार / Sep 30, 2026
काठमाडौं । भारतको गुजरातमा सम्पन्न जी–२० सम्मेलन नेपालको आर्थिक विकासका लागि महत्त्वपूर्ण उपलब्धि रहेको अर्थमन्त्री डा. प्रकाशशरण महतले बताएका छन् ।
सम्मेलनमा भाग लिएर बुधबार फर्किने क्रममा मन्त्री महतले त्रिभुवन विमानस्थलमा सञ्चारकर्मीहरुसँग कुरा गर्दै यस्तो बताएका हुन । तीन वटा महत्त्वपूर्ण विषयमा छलफल भएको मन्त्री महतले बताए ।
पहिलोः जी–२० सम्मेलनमा सहभागी भएर नेपालले आफ्नो कुरा राख्ने अवसर पायो ।
दोस्रोः भारत र चिनियाँ अर्थमन्त्रीहरुसँग लगानी र व्यापारका विषयमा छलफल भयो ।
तेस्रोः गुजरातमा रहेका उद्योग व्यवसायीसँग भेटघाट र छलफललाई उपलब्धि र महत्त्वका रुपमा लिनुपर्छ ।
जी–२० विकसित र अल्प विकसित राष्ट्रहरुको समूह हो । नेपाल जी–२० को सदस्य नभएपनि आमन्त्रण गरेकाले कम विकसित देशहरुको समस्या जी–२० को फोरममा राख्ने महत्त्वपूर्ण अवसर प्राप्त भएको महतले बताए ।
