टी–२० आजदेखि, विजेतालाई ५५ लाख

काठमाडौं । नेपाल क्रिकेट संघ (क्यान) को आयोजनामा आज शनिबारदेखि टी—२० लिग सुरु हुने भएको छ । विजेतालाई ५५ लाख रुपैयाँ पुरस्कार राशी राखिएको छ । उपविजेता, तेस्रो र चौथो हुने टिमले क्रमशः ३०, १० र ५ लाख रुपैयाँ प्राप्त गर्ने आयोजकले बताएको छ । प्रतियोगिताको उत्कृष्ट खेलाडीले ५ लाख र इमर्जिङ प्लेयरले १ लाख ८० हजार रुपैयाँ प्राप्त गर्नेछन् ।

यस्तै, प्लेयर अफ दी म्याचले ४० हजार प्राप्त गर्ने छन् । उनले भने, ‘घोषणा गरेकै दिन सही नियतले खेलाडीलाई आत्मनिर्भर बनाउनुपर्छ भनेर गरिएको निर्णय थियो । एसोसिएटले ठूलो चुनौती फेस गर्नुपर्ने रहेछ ।’ नेपाल टी—२० बाट चार पक्ष लाभान्वित हुने आलुवालियाले बताए ।

खेलाडी, क्यान, अर्थतन्त्र र बोर्डलाई फाइदा हुने उनको भनाइ छ । प्रतियोगिताको युरो स्पोट्सले प्रत्यक्ष प्रसारण गर्ने पनि जानकारी दिए । फ्यानकोडले भारतमा इन्टरनेट र मोबाइल एपमा प्रत्यक्ष प्रसारण गर्नेछ । प्रतियोगिताको टाइटल स्पोन्सर वान्स एक्स ब्याट कम्पनी रहेको छ ।