दाङमा शिक्षिकाको ज्यान गयो

दाङ । दाङमा शिक्षिकाको ज्यान गएको छ । जीपले स्कुटरलाई ठक्कर दिँदा शिक्षिकाको ज्यान गएको हो । दुर्घटनामा तुलसीपुर उपमहानगरपालिका–९ बेलुवाकी ३७ वर्षीया शिक्षिका सीता लम्सालको ज्यान गएको हो । उनलाई विद्यालय जाने क्रममा जीपले ठक्कर दिएको हो ।

पश्चिम हापुरेबाट तुलसीपुर आउँदै गरेको रा १ ज ९२३ नं को जीपले रा ७ प ४२३७ नं को स्कुटरलाई दङ्गीशरण गाउँपालिका–५ कमलगढीमा ठक्कर दिएको हो ।
सीता शान्तिनगरमा रहेको धनौरी माविमा पढाउथिइन ।

जीपको ठक्करबाट गम्भीर घाइते भएकी सीताको तुलसीपुरकै राप्ती प्रादेशिक अस्पतालमा सामान्य उपचारपछि थप उपचारका लागि नेपालगञ्ज लैजाँदै गर्दा ज्यान गएको दाङ प्रहरीले जनाएको छ ।