- १० असार २०८३, बुधबार / Jun 24, 2026
काठमाण्डौ । यो वर्षकै सबैभन्दा धेरै अवलोकनकर्ताले जावलाखेलमा रहेको राष्ट्रिय प्रकृति संरक्षण कोष सदर चिडियाखानाको भ्रमण गरेका छन् । विहिबार एकैदिन झण्डै १२ हजार जनाले चिडियाखाना भ्रमण गरेका हुन । यो सङ्ख्या पछिल्लो एक वर्षकै धेरै भएको कोषले जनाएको छ ।
भोटो जात्राका अवसरमा सरकारले काठमाण्डौ उपत्यकामा सार्वजनिक बिदा दिएकाले पनि जावलाखेलमा जात्रा हेर्न आउनेहरु बिहानदेखि चिडियाखाना अवलोकन गर्न पनि पुगेका थिए ।
उपत्यकामा बिहानैदेखि वर्षा भएकाले पनि चिडियाखाना आउनेको सङ्ख्या कम भएको हुनसक्ने चिडियाखानाले हरेक वर्ष भोटो जात्राको अवसरमा टिकटमा पनि छुटको व्यवस्था गर्ने गरेको छ । साविकमा टिकटको दर वयस्कका लागि दुई सय रुपैयाँ, विद्यार्थीका लागि १ सय ३५ रुपैयाँ र जेष्ठ नागरिकका लागि १ सय रुपैयाँ हुने गरेकामा सबैलाई ७५ रुपैयाँमा टिकट दिइएको छ ।
अघिल्ला वर्षको तुलनामा यस वर्ष भोटो जात्राका दिनमा भने कम अवलोकनकर्ता आएका छन् । यसअघिका वर्षमा यस दिन झण्डै २२ हजार जनाले चिडियाखाना भ्रमण गर्ने गरेका थिए ।
