देउवाद्वारा दुःख व्यक्त

काठमाडौँ । नेपाली कांग्रेसका सभापति शेरबहादुर देउवाले राष्ट्रियसभाका पूर्वसांसद, पार्टीको कञ्चनपुर जिल्ला कार्यसमितिका पूर्वसभापति तथा ज्येष्ठ राजनीतिज्ञ सभाका सदस्य गङ्गादत्त जोशीको निधनप्रति दुःख व्यक्त गरेका छन् ।

८५ वर्षको उमेरमा हृदयघातबाट आज निधन भएको हो । जोशीको निधनको खबरले आफू निकै मर्माहत र स्तब्ध भएको उल्लेख भन्दै उनको आत्माको चिरशान्तिको कामना व्यक्त गरेका हुन् । लोकतन्त्र प्राप्तिको हरेक आन्दोलनमा जोशीले खेलेको भूमिका निकै महत्वपूर्ण रहेको बताउँदै सभापति देउवाले एक कर्मठ नेता गुमाएको उल्लेख गरे ।

जोशीले पार्टीको विभिन्न पदमा रहेर पार्टी सङ्घठन निर्माण तथा नेपालको लोकतान्त्रिक आन्दोलनमा महत्वपूर्ण भूमिका निर्वाह गर्दै आइरहेका थिए ।