देउवा, प्रचण्ड,नेपाल र भट्टराई आज चितवन जाँदै

काठमाडौ । सत्ता गठबन्धनका शीर्षनेताहरू आज चितवन जाने भएका छन् ।

प्रधानमन्त्री शेरबहादुर देउवा, नेकपा माओवादी केन्द्रका अध्यक्ष प्रचण्ड, नेकपा एकीकृत समाजवादीका अध्यक्ष माधवकुमार नेपाल र नेपाल समाजवादी पार्टीका अध्यक्ष डा. बाबुराम भट्टराई चुनावी सभालाई सम्बोधन गर्न चितवन जाने नेपाली कांग्रेस चितवनका सचिव ध्रुव पोखरेलले बताए ।

नेकपा एमालेले भने चितवनमा कात्तिक २८ गते चुनावी सभा गर्ने जनाएको छ । सभालाई एमाले अध्यक्ष केपी ओलीले सम्बोधन गर्ने कार्यक्रम रहेको एमाले चितवनले जनाएको छ ।