- ६ भाद्र २०८३, शनिबार / Aug 22, 2026
दैलेख । करेन्ट लागेर एक बालिकाको निधन भएको छ । गुराँस गाउँपालिका–४ चिसापानी घर भएकी १३ वर्षीया दिपिका नेपालीको निधन भएको जिल्ला प्रहरी कार्यालय दैलेखले जनाएको छ ।
गुराँस गाउँपालिका–२ स्थित मामाघर गएकी ती बालिकालाई कच्ची सडकमा लत्रिएको विद्युतको तारबाट करेन्ट लाग्दा घटनास्थलमै मृत्यु भएको प्रहरी निरीक्षक पुरुषोत्तम कार्कीले बताए । फुपुको घरमा जान लागेको बेला कच्ची सडकमा लत्रिएको विद्युतीय प्रवाह भएको तारमा छुन पुग्दा उनलाई करेन्ट लागेको हो ।
बालिकाको शव पोष्ट मार्टमका लागि दैलेख जिल्ला अस्पतालमा लगिएको निरीक्षक कार्कीले बताए । बालिकाको आमाले जाहेरी दिएपछि शव पोष्टमार्टम हुने प्रहरी निरीक्षक कार्कीको भनाइ छ ।
बाल कल्याण प्राविमा कक्षा ६ मा अध्ययनरत बालिका गुराँस गाउँपालिका–४ को जोखिममा परेका बालबालिकाको सूचीमा थिइन् ।
