- ४ कार्तिक २०८३, बुधबार / Oct 21, 2026
काठमाडाैं । अध्ययन, व्यापार तथा रोजगारीको शिलशिलामा दक्षिण कोरिया पुगेका नेपालीको बृहत छलफल पछि दक्षिण कोरिया दैलेख सेवा समाज गठन गरिएको छ ।
दैलेखबाट कोरिया पुगेका उनीहरुले सामूहिक छलफल गरी सामाजिक भावनाको अपनत्व अभिवृद्धि र आपसी सद्भाव तथा सामाजिक सेवा प्रदान गर्ने मुख्य उद्देश्य बोकेर सेवा समाज गठन गरेका हुन । राकेश चौलागाईंको अध्यक्षतामा गठन गरिएको दैलेख सेवा समाज दक्षिण कोरियाको वरिष्ठ उपाध्यक्षमा नारायण नगरपालिकाका तिलक थापा रहेका छन् ।
समाजको उपाध्यक्षमा प्रेम शाही (नौमुले गाउँपालिका), उपाध्यक्षमा कलम कार्की (भैरबी गाउँपालिका), महिला उपाध्यक्षमा सीता शर्मा, (नारायण नपा) महासचिवमा आत्मापुरुश आचार्य (आठबिस नपा) सचिवमा रमेश बहादुर शाही (गुराँस गापा), सचिवमा प्रबिण शाही (चाबिनपा), सचिवमा भक्ती प्रसाद आचार्य (आठबिस नपा) चयन भएका छन् ।
त्यस्तै समितिकाे कोषाध्यक्षमा लक्ष्मण शर्मा (महाबु गापा), सहकोषाध्यक्ष कर्ण बिक (गुराँस गापा) चयन भएका छन् । यस्तै, सल्लाहकारमा बखत बहादुर थापा, धर्म तिवारी, गणेश कोइराला, अनिल शाही रहेका छन् । १२ जना पदाधिकारी,४ जना सल्लाहकार, २३ जना सचिवालय सदस्य गरी ३८ जनाको कार्यसमिति रहेको समाजले जनाएको छ ।
१२१ जना सक्रिय सदस्यसहित कुल १५९ जनाको दक्षिण कोरिया दैलेख सेवा समाज गठन गरिएको कैलाश खबरलाई जानकारी दिएका छन् । उनीहरूले नेपालमा हुने हरेक समस्यामा साथ दिने बताएका छन् ।
