- ८ कार्तिक २०८३, आईतवार / Oct 25, 2026
चितवन । चितवन जिल्लामामा ५० हजार ५ सय घरपरिवार जोखिममा रहेका छन् । बाढी पहिरोबाट चितवन जिल्लामा ५० हजार ५ सय घरपरिवार जोखिममा परेका हुन । जिल्लाका सात पालिकाका दुई लाखभन्दा बढी नागरिक बर्सातका कारण प्रभावित बन्नेको विपद् व्यवस्थापन समितिको बैठकले तथ्याङ्क सार्वजनिक गरेको हो ।
बाढी र पहिरोको खतरा बढेकाले सतर्कता अपनाउन जिल्ला प्रशासन कार्यालय चितवनले निर्देशन दिएको छ । नारायणी र राप्ती नदीका कारण जोखिम बढेकाले जोखिम न्यूनीकरणको तयारीमा जुटेको जिल्ला प्रशासन कार्यालयले जनाएको छ । उद्धारका लागि सुरक्षा निकायलाई तयारी अवस्थामा रहन समेत विल्ला प्रशासन कार्याmलयले निर्देशन दिइएको छ ।
बाढीबाट भरतपुर महानगरपालिका बढी प्रभावित हुने देखिएको छ । भरतपुर महानगरपालिकामा ३० हजार परिवार प्रभावित बन्ने अवस्था रहेको छ भने माडी नगरपालिकाका ४ हजार ५ सय परिवार, रत्ननगरका पाँच हजार, कालीका नगरपालिकाका १ हजार ५०, खैरहनी नगरपालिकाका ३ सय २० र राप्ती नगरपालिकाका ११ परिवार प्रभावित हुने अवस्था रहेको उल्लेख गरिएको छ ।
पहिरोका कारण भरतपुर महानगरपालिकाका ३ सय, कालीकाका १ सय, राप्तीका २ सय तथा इच्छाकामना गाउँपालिकाका १ सय २५ परिवार प्रभावित बन्ने अवस्था रहेको जिल्ला विपद् व्यवस्थापन समितिले जनाएको छ ।
