- ३१ आश्विन २०८३, शनिबार / Oct 17, 2026
काठमाडौं । प्रधानमन्त्री पुष्पकमल दाहाल ‘प्रचण्ड’ले नक्कली शरणार्थी प्रकरणमा जोडिएका कोही पनि बाँकी नरहने बताएका छन् ।
भ्रष्टाचारको फाइल अघि बढिसकेकाले कोही कसैको दबाबमा नपर्ने र दोषीलाई कारबाहीको दायरामा ल्याएरै छाड्ने प्रतिवद्धता जनाए।
नेपाल दलित मुक्ति मोर्चाको छैठौं राष्ट्रिय सम्मेलनलाई सम्बोधन गर्दै आज प्रधानमन्त्री प्रचण्डले नेकपा (एमाले)का अध्यक्ष केपी शर्मा ओलीप्रति लक्षित गर्दै ढाकछोप गरे उदांगो पारेर देखाउने बताए ।
एमाले अध्यक्ष ओलीले नक्कली शरणार्थी प्रकरणमा पार्टीका उच्च तहका नेताहरुमाथि भइरहेको अनुसन्धानका बारेमा चासो राखेको प्रधानमन्त्री दाहालले बताए । प्रचण्डले भने, “हामी कसैको दबाबमा पर्दैनौँ ।
कानुनअनुसार अनुसन्धान प्रक्रिया अघि बढ्छ, यो रोकिँदैन । हामी दृढताका साथ अघि बढ्छौँ र दोषीलाई कारबाही गरेरै छोड्छौं ।”
निर्दोष कोही नपरून्, दोषी कोही नछुटून् भन्ने मान्यतामा सरकार अगाडि बढिरहेको प्रचण्डको दावी छ ।
२५ गतेसम्म चल्ले मोर्चाको सम्मेलनमा देशभरबाट प्रतिनिधि पर्यवेक्षक सहभागि भएका छन् ।
हेर्नुहोस् भिडियो…
नेपाल दलित मुक्ति मोर्चाको छैठौं राष्ट्रिय सम्मेलन सुरु
काठमाडौं । नेपाल दलित मुक्ति मोर्चाको छैठौं राष्ट्रिय सम्मेलन राजधानीमा सुरु भएको छ ।
राजधानीमा सुरु भएको सम्मेलन वैशाख २५ गतेसम्म चल्ने छ । सम्मेलनमा नयाँ नेतृत्व चैन हुने मोर्चाका अध्यक्ष दलजित शेर्पाइलीले कताए ।
सम्मेलनमा सयौंको संख्यामा देशभरबाट प्रतिनिधि पर्यवेक्षक सहभागि रहेका छन् ।
कलाकार, बाजागाजा, झाँकी, र र्याली सहित भव्य उद्घाटन गरिएको सम्मेलनमा नेपाल कम्युनिष्ट पार्टी माओवादी केन्द्रका अध्यक्ष तथा प्रधानमन्त्री पुष्पकमल दाहाल प्रचण्डले उद्घाटन गरेका छन् ।
