- २७ भाद्र २०८३, शनिबार / Sep 12, 2026
काठमाडौं । उपत्यका कोभिड–१९ महामारीको संक्रमण फैलिरहेका बेला उपत्यकामा ४२८ जना प्रहरीमा संक्रमण फैलिएको छ । यस्तो अवस्थामा बग्गीखानाले नयाँ जुक्ति निकालेको छ ।
थप प्रहरीमा संक्रमण फैलन नदिन र ट्राफिक सचेतना अभिवृद्धि गर्न प्रहरी महाशाखा, रामशाहपथले २२ वटा नबोल्ने ट्राफिक लाई प्रयोग गरेको छ । नबोल्ने (डमी) ट्राफिकप्रहरी तयार गरेर विभिन्न चोकमा राखेको यस्तो सचेतनाको कार्य गरिरहेको छ । यसले सचेतनासँगै ट्राफिक देख्दा मात्रै नियम पालना गर्ने नागरिकलाई समेत कानुन अनुसार सवारी चलाउन मद्दत गर्ने ट्राफिक प्रहरीको भनाइ छ ।
टाढाबाट हेर्दा ट्राफिक प्रहरी जस्तै देखिने भएकाले सवारी चालकले आफ्नो सवारी साधनको गति नियन्त्रण गर्ने र ट्राफिक नियमको पनि पालना गर्ने साथै दुर्घटनाको सम्भावना कम हुने विश्वास ट्राफिक प्रहरीको छ । यतिमात्रै होईन यसले महामारीका बेला जनशक्ति व्यवस्थापनमा पनि ठूलो सहयोग पुगेको छ ।
