निर्वाचन आचारसंहिता २६ गते देखि निस्तेज हुने आयोगको निर्णय

काठमाडौं । प्रतिनिधि सभा र प्रदेश सभाको निर्वाच सम्पन्न गर्न असोज १२ गते देखि लागु भएको निर्वाचन आचारसंहिता सोमबारदेखि निष्कृय हुने भएको छ । निर्वाचन आयोगले निर्वाचन आचारसंहिता मंसिर २६ गतेदेखि लागू नरहने निर्णय गरेको आइतबार गरेको हो ।

निर्वाचन आयोगले गरेको निर्णय प्रधानमन्त्री तथा मन्त्रिपरिषदको कार्यालय, सम्पूर्ण मन्त्रालय तथा संवैधानिक निकायहरूमा समेत गराइ सकिएको निर्वाचन आयोगले जनाएको छ ।

प्रदेशसभा तथा प्रतिनिधिसभा निर्वाचन केन्द्रित रहेर गत असोज १२ गतेदेखि लागू भएको आचारसंहिता मंसिर २६ देखि नरहने निर्णय गरेपछि सरकारलाई सरुवा, बढुवा तथा नियुक्ति लगायतको कार्य सम्पादन गर्ने बाटो खुलेको छ ।