- १९ श्रावण २०८३, मंगलवार / Aug 4, 2026
काठमाडौं। भारतले नेपालको भूमि कब्जा गर्दै आफ्नो नक्सामा समावेस गरेपछि नेपालले जवाफ दिएको छ । भारतले जारी गरेको नयाँ नक्साको विरोध गर्दै बुधबार साँझ विज्ञप्ति जारी नेपाल सरकारले जवाफ दिएको जनाइएको छ ।
‘कालापानी क्षेत्र नेपालको भूभाग हो भन्नेमा नेपाल सरकार स्पष्ट रहेको विज्ञप्तिमा उल्लेख गरिएको छ । दुई देशबीच टुंगिन बाँकी रहेका सीमा सम्बन्धी विषयहरू दुबै पक्षको आपसी सहमतिमा टुंग्याउनु पर्ने र एकपक्षीय ढंगबाट गरिने कुनै पनि निर्णय नेपाल सरकारलाई मान्य नहुने जनाएको छ ।
नेपाल सरकार नेपालको अन्तराष्ट्रिय सिमाना रक्षाको लागि प्रतिबद्ध रहेको र दुई मित्र राष्ट्रहरू बीचको सीमा समस्याको समाधान ऐतिहासिक दस्तावेज एवं तथ्य प्रमाणहरूको आधारमा कूटनीतिक माध्यमबाट हुनु पर्ने मान्यतामा नेपाल दृढ रहेको उल्लेख गरिएको छ ।
