- १५ श्रावण २०८३, शुक्रबार / Jul 31, 2026
बर्दिया । भारतीय बजारबाट अवैध रूपमा नेपाल भित्रिने सामानमा रोक लगाउन व्यवसायीले माग गरेका छन् । सीमाबाट निर्बाध रूपमा नेपाल भित्रिने सामानका कारण आफ्नो व्यापार व्यवसाय ठप्प भएको भन्दै व्यवसायीले सीमामा कडाइ गर्न माग गरेका हुन् ।
बर्दियाको सीमासँग जोडिएका सीमावर्ती भारतीय बजारमा दैनिक उपभोग्य सामग्री खरिद गर्न नेपाली उपभोक्ता जाने र निर्बाध रूपमा सामान ल्याउने गरेका कारण नेपाली बजार सुक्दै गएको व्यवसायीको गुनासो छ ।
सीमावर्ती भारतीय बजारका कारण स्थानीय व्यापार बन्द हुने अवस्था आएको बताउँदै अध्यक्ष पाण्डेले यो समस्याको दीर्घकालीन समाधान गर्न योजना तयार गरी अवैध आयात निरुत्साहित गर्दै सीमामा कडाइ गर्नुपर्ने बताए । उनले सीमामा भन्सार कार्यालय अविलम्ब स्थापना गर्न माग गरेका छन् ।
