- २८ जेष्ठ २०८३, बिहीबार / Jun 11, 2026
काठमाडौं । प्रचण्ड नेतृत्वको सरकारले पुस २५ गते विश्वासको मत लिने जनाएको छ । सरकारको सिफारिस अनुसार राष्ट्रपति विद्यादेवी भण्डारीले पुस २५ गतेलाई संसद बैठक आह्वान गरेकी छन् ।
सोमबार शपथ लिएका प्रधानमन्त्री प्रचण्डले पहिलो बैठकमै विश्वासको मत लिने तयारी थालेको स्रोतले बतायो । ४ मंसिरको प्रतिनिधि सभा चुनावबाट नयाँ सरकार बनेपछि पहिलो संसद बैठक पुस २५ गते सोमबार दिउँसो १ बजे बस्नेछ ।
संविधानको धारा ७७ अनुसार निर्वाचनपछिको सरकारले पहिलोपटक विश्वासको मत लिएपछि २ वर्षसम्म अविश्वास प्रस्ताव राख्न पाइने छैन ।
एमाले, माओवादी केन्द्र, राष्ट्रिय स्वतन्त्र पार्टी, राप्रपा, जसपा, जनमत पार्टी, नागरिक उन्मुक्ती पार्टी र ३ स्वतन्त्र सांसदसहित १६९ सांसदको समर्थन लिएर प्रचण्ड आइतबार संविधानको धारा ७६ (२) अनुसार प्रधानमन्त्री नियुक्त भएका थिए ।
