- २९ जेष्ठ २०८३, शुक्रबार / Jun 12, 2026
भक्तपुर । जनता समाजवादी पार्टी (जसपा) का अध्यक्ष उपेन्द्र यादवले पाँच दलिए गठबन्धन कायमै रहने बताएका छन् । शनिबार रफत सञ्चार क्लव भक्तपुरले गरेको कार्यक्रममा बोल्दै अध्यक्ष यादवले पाँच दलिय गठबन्धन कायमै रहने बताएका हुन । सरकारलाई दिएको समर्थन कसैले फिर्ता लिएपनि पाँचदलिए गठबन्धनमा भने कुनै अप्ठेरो नआउने बताउँदै अध्यक्ष यादवले सर्मथन फिर्ता लिने राजनीतिक दल पाँचदलिय गठबन्धनमा नभएको प्रतिक्रिया दिए ।
अध्यक्ष यादवले एकलाख ४८ हजार विद्यार्थी देश बाहिर पढन जाने भएपछि अरबौंै रुपैयाँ बाहिर पठाएको तर्क गर्दै अहिलेको सरकारले शिक्षा, स्वास्थ्य र रोजगारलाई लक्षित गरेर बजेट निर्माण गर्नुपर्ने तर्क गरे । अध्यक्ष यादवले नेपालीहरुलाई नक्कली भुटानी शरणार्थी बनाएको घटना पहिलो नभएकाले यस्ता धेरै घटनाका दोषीहरुलाई सरकारले कारबाही गर्नुपर्ने तर्क गरे । उनले भने “नेपालीहरुलाई भुटानी शरणार्थी बनाएकर विदेश पठाएको पहिलो घटना भएपनि यस्ता धेरै केशहरु छ्न नेपालमा । ती सबैको खोजी गर्नुपर्छ ।”
नेकपा माओवादी केन्द्रका अध्यक्ष पुष्पकमल दाहाल “प्रचण्ड” नेतृत्वको सरकारले सुशासन दिन सकेमात्रै सफल हुने बताउँदै उनले जनताले सुशासन चाहेको बताए । उनले सुशासन विना नेपालको विकाश निर्माण संम्भव नरहेको बताए । बजारमा दैनिक सरकार परिवर्तनको हल्ला आएपनि सरकार परिर्वतनको सम्भावन न्यून रहेको अध्यक्ष यादवको भनाई छ ।
मधेशका समस्या केही हल भएपनि धेरै कुरा बाँकीनै रहेको बताउँदै अध्यक्ष यादवले समस्या समाधानमा सरकारले तदारुकता देखाउनु पर्ने बताए । उनले भने “पुर्वको सम्स्या समाधान गर्न सरकारले सक्नुपर्छ ।” राजनीतिक दलहरुका कारण जनतामा निराशा छाए पनि अहिले देशको विकास गर्न पाँच दलिए गठबन्धनको सरकार कम्फर्टेबल सरकार भएको अध्यक्ष यादवको तर्क छ ।
