प्युठानमा जीप दूर्घटना हुदा ३ जनाको मृत्यु

प्युठान । प्युठानमा फोर्स गाडी दुर्घटना हुँदा तीन जनाको मृत्यु भएको छ ।खैराबाट पूर्णगाउँतर्फ जाँदै गरेको लु १ ज ३७०७ नम्बरको फोर्स गाडी प्युठान नगरपालिका–५ पूर्णगाउँमा दुर्घटनामा परेको हो ।

प्युठान नगरपालिका–५ पातल कटेरी निवासी ५२ बर्षीया मैमा घर्ती, सोही ठाउँ निवासी ४३ बर्षिया बच्चि थापा र ४६ बर्षीय खुमन थापाको घटनास्थलमा मृत्यु भएको जिल्ला प्रहरी कार्यालय प्युठानले जनाएको छ ।

१२ जना घाइते भएका छन् । घाइतेहरुको जिल्ला अस्पताल प्युठानमा उपचार भइरहेको छ । गाडी सडक देखि दुई सय मिटर तल खसेको छ ।