प्रतिनिधिसभा सांसद ज्ञानकुमारीको निधन

१७ असार २०७७ काठमाडौं । नेपाली कांग्रेसकी नेतृ एवम् प्रतिनिधिसभा सदस्य ज्ञानकुमारी छन्त्यालको निधन भएको छ । उपचारका क्रममा शहिद गंगालाल ह्रदययरोग केन्द्रमा निधन भएको नेपाली कांग्रेसले जनाएको छ ।

मुटुको ३ वटा भल्ब ब्लक भएपछि शल्यक्रिया गरिएको सचेतक पुष्पा भुषालले जानकारी दिइन् । आजै पशुपति आर्यघाटमा अन्त्यष्टि गरिने जनाइएको छ । २०७० सालको संविधान सभा निर्वाचनमा बागलुङबाट प्रत्यक्ष निर्वाचित भएकी छन्त्यालका त्यसपछिको निर्वाचनमा कांग्रेसले समानुपातिकबाट प्रतिनिधिसभा सांसद बनाएको थियो ।

छन्त्यालका श्रीमान, दुई छोरा र दुई छोरी छन् । उनको निधनप्रति दुख ब्यक्त गर्दै कांग्रेसले केन्द्रीय कार्य समितिको बैठक र संसदीय दलको बैठक स्थगित गरेको छ ।