प्रधानमन्त्री पनि कोरोना संक्रमणमा

काठमाडौं । बेलायतका प्रधानमन्त्री बोरिस जोनसनलाई कोरोना संक्रमण भएको छ । संक्रमण पछि अहिले उनी आइसोलेसनमा बसेका छन् ।

जोनसनले ट्वीटरमार्फत यसबारे जानकारी दिएका छन् । जसमा उनले आफूलाई पछिल्लो २४ घन्टामा ज्वरो आउनुका साथै खोकी लागेको र परीक्षण गर्दा नतिजा पोजेटिभ पाइएको उल्लेख गरेका छन् ।

सेल्फ–आइसोलेसनमा रहेका उनी घरमै बसेर आवश्यक सरकारी कामकारबाही गरिरहेको जनाइएको छ । बेलायतमा शुक्रबारसम्म ११ हजार ६ सय ५८ जनामा कोरोनाको पुष्टि भइसकेको छ भने यसबाट ५७८ जनाको मृत्यु भइसकेको छ।