- १८ असार २०८३, बिहीबार / Jul 2, 2026
काठमाडौं । प्रधानमन्त्री पुष्पकमल दाहाल प्रचण्डकी पत्नी सीता दाहालको निधन भएको छ । आज बिहान नर्भिक अस्पतालमा उनको निधन भएको हो ।
सीताको आज बिहान करिब साढे ८ बजे निधन भएको अस्पताल स्रोतले बतायो । स्वास्थ्य अवस्था गम्भीर भएपछि उनलाई आज बिहान अस्पताल लगिएको थियो ।
अहिले प्रधानमन्त्री प्रचण्ड पनि नर्भिक अस्पताल पुगेका छन् ।
पार्किन्सन जस्तो देखिने एक जटिल प्रकारको रोग ‘प्रोग्रेसिभ सुपरान्युक्लियर पाल्सी (पी.एस.पी.)’ बाट पीडित सीता दाहाल लामो समयदेखि ओछ्यानमै थिइन् । आज दिउसाे ११ बजे देखि १ बजेसम्म दाहालकाे पार्थिव शरीर श्रद्धाञ्जलीका लागि नेकपा (माओवादी केन्द्र) काे पार्टी कार्यालय पेरिस डाँडामा राखिने प्रधानमन्त्रीका स्वकीय सचिव रमेश मल्लले जानकारी दिए ।
