- ८ आश्विन २०८३, बिहीबार / Sep 24, 2026
काठमाडौं । जिल्ला प्रहरी परिसर ललितपुरले चाडवाडमा किनमेल गर्दा विद्युतीय भुक्तानी गर्न अनुरोध गरेको छ ।
रकम बोकेर किनमेल गर्दा चोरी हुने सम्भावना बढेको बताउँदै अनलाइन भुक्तानी गर्न ललितपुर प्रहरी प्रवक्ता प्रहरी उपरीक्षक ( एसपी) सुधीरराज शाहीले बताए । दशैं, तिहार, छठलगायत चाडवाडलक्षित सुरक्षा योजनाबारे जानकारी गराउँदै उनले गृह मन्त्रालयको निर्देशनअनुसार सुरक्षा योजना तयार गरिएको बताए ।
परिसरले भदौ २० देखि नै सुरक्षा योजना कार्यान्वयन शुरु गरेको जानकारी दिए । बढी भीडभाड हुने क्षेत्रमा बिहान ६ देखि बेलुकी ७ बजेसम्म गस्ती गर्ने, मुख्य चोक, सपिङ मल, गहना पसल, बैंक तथा वित्तीय संस्थालगायतका क्षेत्रमा आवश्यकताको आधारमा २४ सै घण्टा प्रहरी परिचान गरिने जानकारी दिए ।
परिसरले दिउँसोको चोरी नियन्त्रण गर्न एक दर्जनभन्दा बढी स्थानमा एम्बुसिङ टोली र करिब तीन सयको संख्यामा सादा प्रहरी परिचालन गर्न आकस्मिक स्किनिङ, गहन चेकिङ, सीमाक्षेत्र सिल गरी विशेष अप्रेसन गर्ने लगायतका विशेष सुरक्षा योजना अघि बढाएको जनाएको छ ।
