- २९ जेष्ठ २०८३, शुक्रबार / Jun 12, 2026
पर्वत । कुश्मा नगरपालिका ८ को सिमाना तमादीखोलामा बाढीमा बगेर बेपत्ता भएको जीप ३०० मिटर तल मोदी किनारमा फेला परेको छ । बेपत्ता भएका तीन जनामध्ये एक जनाको शव भेटिएको छ ।
दुई जना अझै बेपत्ता रहेको प्रहरीले बताएको छ । शनिबार साँझ बागलुङदेखि पोखराका लागि छुटेको ग १ ज ६३१३ नम्बरको टाटा सुमो जीप बाढीले बगाएर बेपत्ता पारेको थियो ।
बेपत्तामध्ये बिहान उछिट्टिएको अवस्थामा एक जनाको शव फेला परेको पर्वत प्रहरी प्रमुख डिएसपी खुमलाल भुसालले जानकारी दिए ।
उनी तिलोत्तमा नगरपालिका वडानम्बर ९ निवासी गोपालप्रसाद बस्याल रहेको भुसालले बताए । बेपत्ता २ जनाको खोजी कार्य भइरहेको छ । प्रहरी नियन्त्रणमा रहेका गाडी चालकले भने आफू भागेर बाँच्न सफल भएको बताएका छन् ।
गाडी रोक्न पछाडि पांग्रामा ढुंगाको आड लगाउँदा लगाउँदै बाढी आएपटि आफू भागेको तर ३ जनासहित जीपलाई भने बगाएको चालकले बयान दिएका छन् ।
