नेपालको औसत जनसङ्ख्या वृद्धिद्धर ० दशमलव ९२ प्रतिशत प्रतिवर्ष

काठमाण्डौ । २०६८ पछिको १० वर्षमा नेपालको वार्षिक औसत जनसङ्ख्या वृद्धिद्धर ० दशमलव ९२ प्रतिशत प्रतिवर्ष रहेको छ । केन्द्रीय तथ्याङ्क विभागले आइतवार काठमाण्डौमा पत्रकार सम्मेलन गरी यस्तो जाकारी दिएको हो ।

नेपालमा कुल परिवारमध्ये पुरुष परिवारमुली रहेको परिवार ६८ दशमलव ५ प्रतिशत र महिला परिवारमुली रहेको सङ्ख्या ३१ दशमलव ५ प्रतिशत रहेको छ । नेपालमा जम्मा १५ लाख ५५ हजार नौ सय ६१ परिवारबाट २१ लाख ९० हजार पाँच सय ९२ जना परिवारमा अनुपस्थित रही विदेशमा बसोवास गर्ने पाइएको छ ।

भने नेपालको कुल जनसङ्ख्यामध्ये नगरपालिकामा बस्ने जनसङ्ख्या सबैभन्दा बढी रहेको केन्द्रीय तथ्याङ्क विभागले जनाएको छ । नगरपालिकामा बस्नेको जनसङ्ख्या एक करोड ९२ लाख ९६ हजार सात सय ८८ (६६ दशमलव २ प्रतिशत) रहेको जनाएको छ । गाउँपालिकामा बस्नेको सङ्ख्या ९८ लाख ६७ हजार सात सय ९० (३३ दशमलव ८ प्रतिशत) रहेको छ ।

देशको कुल जनसङ्ख्याको २ दशमलव २ प्रतिशत व्यक्तिमा कुनै न कुनै प्रकारको अपाङ्गता रहेको छ । जनगणनाअनुसार जन्मस्थान र अहिलेको बसोवास एउटै गाउँपालिका वा नगरपालिकामा भएका व्यक्ति ६९ दशमलव ० प्रतिशत रहेका छन् । २०६८ को जनगणनाअनुसार नगरपालिकामा बस्नेको सङ्ख्या १७ दशमलव १ प्रतिशत थियो भने गाउँपालिकामा बस्नेको सङ्ख्या ८२ दशमलव ९ प्रतिशत रहेको थियो ।

नेपालको लैङ्गिक अनुपात प्रतिसय महिलामा पुरुषको सङ्ख्या ९५ दशमलव ५९ जना रहेको छ भने नगरपालिकाको ९६ दशमलव ०६ र गाउँपालिकाको ९४ दशमलव ६८ प्रतिशत रहेको छ । कुल जनसङ्ख्यामध्ये अन्य लिङ्गीको जनसङ्ख्या दुई हजार नौ २८ रहेका छन् भने यो सङ्ख्या नगरपालिकामा दुई हजार एक सय १८ र गाउँपालिकामा आठ सय १० जना रहेको छ ।