बाढीको उच्च जोखिम भएकाले सचेत रहन आग्रह

काठमाण्डौ । शुक्रबार देशका १७ जिल्लाका नदी तथा खोलामा बाढीको सम्भावना छ । आकस्मिक बाढीको उच्च जोखिम रहेकाले सतर्कता अपनाउन बाढी पूर्वानुमान महाशाखाले आग्रह गरेको हो । तीन दिन रुपन्देही, कपिलवस्तु र पाल्पाका नदी तथा खोलामा बाढीको उच्च जोखिम रहेको बाढी पूर्वानुमान महाशाखाले सूचना निकालेर
चेतावनी दिएको हो ।

इलाम, झापा, मोरङ, उदयपुर, सिन्धुली, सर्लाही, रौतहट, मकवानपुर, चितवन, नवलपरासी पूर्व, नवलपरासी पश्चिम, स्याङ्जा, तनहुँ, गुल्मी, अर्घाखाँची, प्युठान, दाङ र आसपासका भइ बहने नदीमा बाढीको जोखिम रहेकाले सावधानी अपनाउन आग्रह गरिएको छ ।

रुपन्देही, कपिलवस्तु र पाल्पा आसपास भइ बहने केही साना नदीमा पानीको सतह बढ्ने भएकाले सचेत रहन आग्रह गरिएको छ ।